АҚШ Россия ҳужум қилгудек бўлса, Украинани қуроллантиришни режалаштирмоқда

Ушбу режа ҳозирча Байденга тақдим этилмагани айтилмоқда. Шу билан бирга, маъмурият Россияга қарши қўшимча иқтисодий чоралар жорий этиш имкониятини кўриб чиқмоқда.

Фото: Reuters

АҚШ маъмурияти Украинага қурол бериш режасини ишлаб чиқмоқда, аммо президент Жо Байден режани ҳозирча тасдиқламади. Бу ҳақда The Wall Street Journal нашри хабар берди.

Нашр манбасининг сўзларига кўра, «Байден маъмурияти ходимлари Россия ҳужум қилган тақдирда Украинага ҳарбий ёрдам бериш имкониятини тайёрламоқда». Маълумот берилишича, бу ёрдам «танкларга, кемаларга ва ҳаво ҳужумига қарши тизимларни ўз ичига олади».

АҚШ ҳукуматининг тахминига кўра, ҳозир Украина чегарасида 80 мингга яқин россиялик ҳарбий жойлаштирилган.

#Россия #АҚШ #Украина

2020 йил март ойи охирида украиналик ҳарбийлар Донбассдан берилган артиллерия зарбалари қурбони бўлди. Апрель ойи бошида Россия Украина билан чегарада қўшинларини тўплай бошлади.