Зеленский Путин билан учрашувга тайёргарликни бошлаш топшириғини берди

Аввалроқ Зеленский Путинга «Донбасснинг исталган ерида учрашиш»ни таклиф қилган, Путин эса Зеленский «истаган вақтида» Москвага келиши мумкинлигини айтганди.

Фото: EPA/REUTERS

Украина президенти Владимир Зеленский Россия президенти Владимир Путин билан учрашувга тайёргарлик кўриш учун ўз офиси раҳбари Андрей Ермакка топшириқ берди.

"Ҳаммаси учрашув бўладигандек кетаётганга ўхшаяпти. Мен Донбассда учрашишни таклиф қилдим. Россия президенти учрашиш ниятини тасдиқлади. У Москвада учрашишни таклиф қилди. Мен президент офиси раҳбари Андрей Ермакка президент Путин маъмурияти билан боғланиш, ўзаро англашиб, учрашув жойини белгилаш топшириғини бердим", - деди Зеленский.

Аввалроқ Зеленский Путинга «Донбасснинг исталган ерида учрашиш»ни таклиф қилганди.

Путин Зеленский «истаган вақтида» Москвага келиши мумкинлигини айтди.

#Владимир Путин #Володимир Зеленский