Хитой шарқидаги Нантун шаҳрига ёпирилган довул 11 кишининг ўлимига олиб келди. Шунингдек, 102 киши жароҳатланган.
Маълумотларга кўра, баъзи ҳудудларда 1 смдан 3 смгача ўлчамда дўл ёғган, шамол тезлиги сониясига 45 метргача етган.
Қурбонлар довул вақтида дарёда чўкиб кетишган ёки устларига дарахт ва электр устунлари ағдарилиши оқибатида ҳалок бўлишган.
Шунингдек, дарёда балиқ овловчи қайиқнинг тўнтарилиши оқибатида ундаги 11 кишидан 9 нафари бедарак йўқолган, 2 киши қутқариб қолинган. Йўқолганларни қидириш ишлари олиб борилмоқда.
Интернетда табиий офатнинг авжига мингани видеолари жойлаштирилди. Улардан бирида довул Нантун аэропорти учиш-қўниш йўлагида турган катта ўлчамли йўловчи самолётни ўз ўқи атрофида буриб юборганини кўриш мумкин.
Viral video shows an airplane allegedly swirling in the gale at airport in Nantong, east China's Jiangsu Province. Strong convective weather with a maximum wind speed of 93.9mph on Friday hit the province, leaving 11 dead, 102 injured in Nantong alone as of Sat morning. pic.twitter.com/6P3bogiiz9
— People's Daily, China (@PDChina) May 1, 2021
Таъкидланишича, довул вақтида шаҳардаги кўплаб уйларга жиддий зарар етган. Табиий офат сабабли 3 мингдан кўпроқ аҳолини эвакуация қилишга тўғри келган.
