Юнусободда туман солиқ инспекцияси ходими пора билан ушланди

Тошкент вилояти Юнусобод туманида туман давлат солиқ инспекцияси катта инспектори 3,5 минг доллар пора билан қўлга олинди.

ДХХ Тошкент шаҳар бошқармаси ҳамда шаҳар прокуратураси ва департамент томонидан ўтказилган тезкор тадбирда Юнусобод туман давлат солиқ инспекцияси катта инспектори маҳаллий МЧЖ таъсисчисидан 3,5 минг АҚШ доллари миқдорида пора олган вақтида ушланган.

Аниқланишича, мазкур мансабдор шахс ушбу пул эвазига масъулияти чекланган жамиятда амалга оширилиши режалаштирилаётган камерал текширувда ижобий хулоса берилишини ваъда қилган.

Ҳозирда мазкур ҳолат юзасидан Жиноят Кодексининг тегишли моддалари билан жиноят ишлари қўзғатилиб, дастлабки тергов ҳаракатлари олиб борилмоқда.

#Юнусобод #пора #солиқ