Тўқаев Қозоғистон Тожикистон иқтисодиётига ёрдам беришга тайёрлигини айтди
Тожикистон пойтахтида Қозоғистон ва Тожикистон президентлари учрашуви бўлиб ўтди.
Қозоғистон президенти Қосим-Жўмарт Тўқаев ва Тожикистон президенти Эмомали Раҳмон Душанбеда икки томонлама учрашув ўтказди, деб хабар бермоқда Tengrinews.kz.
Қайд этилишича, учрашувда томонлар савдо-иқтисодий ҳамкорликни мустаҳкамлаш, инвестициялар жалб этиш, саноат кооперацияси, қишлоқ хўжалиги, транзит-транспорт салоҳиятини ривожлантириш масалаларига алоҳида эътибор қаратди.
Шунингдек, сув-энергетика, ҳарбий-техник ва маданий-гуманитар ҳамкорлик масалалари муҳокама қилинди.
Қосим-Жўмарт Тўқаев Қозоғистон ва Тожикистон ўзаро савдо борасида янги чўққиларга чиқиш учун барча имкониятларга эгалигини қайд этди. У Қозоғистон Тожикистон иқтисодиётига ҳар қандай ёрдамни кўрсатишга тайёрлигини таъкидлади.
Музокаралар якунида икки давлат ўртасида қатор шартнома ва келишувлар имзоланди, дейилади хабарда.
Мавзуга оид
15:00 / 19.10.2024
Тожикистонда КХШТ машғулотларининг фаол босқичи бўлиб ўтмоқда
12:40 / 19.10.2024
Россия Қозоғистондан буғдой, помидор ва қовун олиб киришни чеклади
20:54 / 18.10.2024
Қозоғистонда хизмат машинасида нонга чиққан ҳоким ўринбосари жавобгарликка тортилди
21:02 / 17.10.2024