Хитойда оператор югуриш бўйича мусобақа иштирокчиларидан тезроқ чопди

Хитойнинг Шанси шаҳрида университетлар ўртасида ўтган чемпионатда видеооператор ажойиб жисмоний тайёргарликка эгалигини намойиш қилди. У 100 метрга югуриш бўйича мусобақада чиройли лавҳаларни тасвирга олиш учун спринтерлардан тезроқ чопди.

«Чопағон» оператор маҳаллий коллеж талабаси бўлиб чиқди. У чемпионатда фаолият олиб борган ва югуриш бўйича мусобақани тасвирга олган.

Мусобақадан олинган видеода оператор спринтерлардан 10 метр олдинроқда туриб, «старт» сигнали берилгандан кейин бир қўлида камерани ушлаганча улар билан бирга чопа бошлаган. Талабанинг қўлидаги камера 4 кг келишига қарамай, у мусобақа иштирокчиларидан ҳеч ҳам қолишмаган.

A college student serving as a cameraman during the 100-meter dash kept pace with sprinters despite the camera weighing over 4kg at the university sprint race in Shanxi, China pic.twitter.com/0Nt8EyjsGx

— TRT World (@trtworld) June 8, 2021

Ушбу ҳолат видеоси интернетда оммалашиб, кўплаб ижобий изоҳлар олган.