Покистоннинг Балужистон вилоятида диний фестивалдан қайтаётган зиёратчилар билан тўлган йўловчи автобус ағдарилиб кетди. Бунинг оқибатида камида 20 киши ҳалок бўлди, 40 киши жароҳат олди.
Фото: AP
Автобус Ларкандан Ҳудзарга кетаётганда йўл-транспорт ҳодисасига учраган.
Маълумотларга кўра, автобус меъёридан ортиқча юкланган бўлган ва ҳаттоки томида йўловчиларни олиб кетган. Таъкидланишича, жабрланганларга ёрдам бериш учун аскарлар юборилган.
Жароҳатланганлар олиб борилган шифохонада маълум қилинишича, у ерга етказилган 10 киши оғир аҳволда бўлгани сабабли қурбонлар сони ошиши мумкин.
