Яман яқинида 250дан кўпроқ муҳожир ҳалок бўлди

Яман соҳиллари яқинида муҳожирларни олиб кетаётган қайиқ ағдарилиб кетгандан кейин 250дан кўпроқ киши ҳалок бўлди. Sky News Arabia телеканалининг хабар беришича, қайиқда 300 муҳожир бўлган. Дастлабки маълумотларга кўра, улардан 20 нафаригина омон қолган.

Қайиқ бир неча кун аввал Африканинг Жибути давлатидан Яманга йўл олган. У соҳилга яқинлашиб қолганда балиқ овловчи кема билан тўқнашиб, ағдарилиб кетган. Телеканалнинг хабар қилишича, қайиқни 4 яманлик бошқарган.

The Guardian нашри маълумотларига кўра, ҳалокат 2 кун аввал юз берган. Гувоҳлардан бирининг айтишича, у соҳилдан 16 км узоқликда сув устида қалқиб қолган жасадларни кўрган.