Ўзбекистонлик таниқли диний уламо Ёрқинжон Фозилов автоҳалокат сабаб вафот этди. Қўқон шаҳрида туғилган Ёрқинжон домла икки ҳафта аввал Данғара туманидаги «Саид Аҳмадхон ҳожи» жоме масжидига имом ноиби этиб тайинланган эди.
Ўзбекистонлик имом ўтирган машина Қирғизистоннинг Боткен вилоятида автоҳалокатга учраган. Машинада бўлган домла ва ҳайдовчи вафот этган. Яна икки йўловчининг аҳволи оғирлиги айтилмоқда.
Маълум бўлишича, жаноза бугун шом намозидан кейин Қўқон шаҳридаги Мадрасаи Мир масжидида бўлиб ўтади.
