ЕИ учинчи мамлакатлар фуқаролари учун чегараларини очишни бошламоқда

ЕИ кенгашининг таъкидлашича, Хитой учун чегаралар бу давлат ЕИ учун ўз чегараларини очган тақдирдагина очилади.

Фото: AP

ЕИ кенгаши фуқароларига Евроиттифоқ ҳудудига киришга рухсат берилган мамлакатлар рўйхатини эълон қилди.

Қайд этилишича, 18 июндан ЕИга аъзо давлатлар ҳудудига киришга қўйилган чекловлар қуйидаги мамлакатлар фуқаролари учун олиб ташланади: Албания, Австралия, Исроил, Япония, Ливан, Янги Зеландия, Шимолий Македония, Руанда, Сербия, Сингапур, Жанубий Корея, Таиланд, АҚШ, Хитой.

Ушбу рўйхат ҳар икки ҳафтада қайта кўриб чиқилади.

Шу билан бирга, ЕИ кенгашининг таъкидлашича, Хитой учун чегаралар бу давлат ЕИ учун ўз чегараларини очган тақдирдагина очилади.

#ЕИ #чегара