АҚШда катта ёшли аҳолининг 70 фоизи коронавирусга қарши эмланди

Аҳолида 30 ёшдан катта бўлган аҳолининг 70 фоизи коронавирусга қарши тўлиқ эмланди. Бу ҳақда Оқ уйнинг пандемияга қарши курашиш бўйича координатори Жеффри Зинтс маълум қилди.

Унинг сўзларига кўра, Америка маъмурияти АҚШ президенти Жо Байденнинг 4 июлгача катта ёшли аҳолининг 70 фоизини эмлаш бўйича ташаббусини муддатидан олдин бажарди.

"Биз катта ёшли аҳолининг 70 фоизини эмлаш бўйича президент қўйган мақсадни бажардик", - деди Зинтс.

Қайд этилишича, ҳозирда АҚШда 150 миллиондан ортиқ киши тўлиқ эмланган, 177 миллион киши эса вакцинанинг бир дозасини олган.

"Биз мисли кўрилмаган эмлаш дастурини туздик. Натижада мураккаб логистик вазифани муваффақиятли равишда бажардик: атиги 150 кун ичида 300 миллион доза вакцинани қўлладик", - деди Зинтс.

Охирги маълумотларга кўра, АҚШда COVID-19 юқтирганлар сони 33,5 млн нафардан ортиқ, вафот этганлар сони 602,4 минг нафардан ошган.