Самарқанд вилояти Иштихон туманида буғдойи ўриб олинган ғалла майдони ёниб кетган. Бу ҳақда туман ФВБ хабар бермоқда.
- Маълум қилинишича, кеча, 2З июнь куни соат 16:43ларда Иштихон тумани Фавқулодда вазиятлар бўлими 12-КЁКК навбатчилик қисмига Иштихон туман «Муродобод» МФЙ Асад қишлоғида жойлашган фермерга тегишли буғдойи ўриб олинган ғалла майдонида ёнғин содир бўлаётгани тўғрисида хабар тушган.
Шундан сўнг, соат 16:55да ёнғин юз бераётган жойга Иштихон тумани Фавқулодда вазиятлар бўлимидан 2 та ёнғин ўчириш экипажи етиб борган ва ёнғин бартараф этилган.
Қайд этилишича, ёнғин оқибатида, Иштихон туман Муродобод маҳалласи Янги обод қишлоғида яшовчи фуқарога тегишли фермер хўжалигининг 3 гектар буғдойи ўриб олинган майдонидаги сомон ёниб кетган. 1 гектар буғдойи ўрилмаган ва яна 3 гектар ўрилган майдон сақлаб қолинган
Ҳозирда, мазкур ёнғиннинг келиб чиқиш сабаблари юзасидан суриштирув ўтказилмоқда.
