Қашқадарёда ҳовлисида каннабис ва кўкнор ўстираётган шахс ушланди

Қашқадарё вилояти Китоб туманида қонунга хилоф равишда ҳовлисида каннабис ва кўкнор ўстираётган шахс ушланган. Бу ҳақда туман ҳокимлиги ахборот хизмати хабар бермоқда.

Маълум қилинишича, ДХХ Китоб тумани бўлими ҳамда ИИБ ходимлари ҳамкорлигида ўтказилган «Қорадори-2021» тезкор тадбири давомида туманнинг «Анорзор» МФЙда яшовчи, 1965 йилда туғилган фуқаро Қ.Й. яшаш хонадонида тақиқланган гиёҳвандлик ўсимликларини ўстириб келаётгани аниқланган.

Жумладан, у ўз ҳовлисида 7 туп каннабис ҳамда 143 туп кўкнор ўсимлигини қонунга хилоф равишда етиштириб келаётганлиги аниқланган ҳамда холислар гувоҳлигида ҳужжатлаштириб олинган.