«Женоа» ҳужумчиси Элдор Шомуродов «Рома» ўйинчисига айланди.
Ўзбекистонлик 26 ёшли футболчи Рим клуби билан 2026 йил ёзигача мўлжалланган шартнома имзолади.
Трансфер қиймати — 17,5 млн евро.
Ҳужумчи янги жамоасида 14-рақамда ҳаракат қилади.
«Рома»га ўтиш фаолиятимдаги энг катта қадам бўлди. Дунёдаги энг катта клублардан бири учун қўлимдан келганини қилишга тайёрман. Ажойиб жамоадошларим ва мураббий билан бирга ишлашни интиқиб кутяпман», — деди Элдор таништирувдан кейин.
Маълумот учун, Шомуродов ўтган мавсумда А Серияда 31та баҳсда майдонга тушиб, 8та гол урган.
