Элдор Шомуродов Туркия Суперлигасининг энг яхши тўпурари бўлди

Ўзбекистон миллий терма жамоаси сардори ва “Истанбул Бошоқшеҳир” ҳужумчиси Элдор Шомуродов Туркия Суперлигаси мавсумини энг яхши тўпурар сифатида якунлади. 

Ўзбекистонлик ҳужумчи ушбу мавсумда 22 та гол уриб, 5 та голли узатмани амалга оширди.

“Трабзонспор” ҳужумчиси Пол Онуачу ҳисобида ҳам шунча гол бор, лекин голларнинг 6 тасини пеналтидан урганлиги сабабли тўпурарлар рейтингида иккинчи ўринни эгаллади. 

Учинчи ўринни “Фенербахче” аъзоси Андерсон Талиска эгаллади. Бразилиялик ярим ҳимоячи мавсумни 19 та гол ва 4 та ассист билан якунлади.

Суперлига тўпурарлари рейтинги:

Элдор Шомуродов — 22 гол, 5 ассист.

Пол Онуачу — 22 гол, 2 ассист.

Андерсон Талиска — 19 гол, 4 ассист.