Туркия шимолида сув тошқинлари содир бўлди

Туркия шимолидаги Қора денгиз ҳудудида кучли ёғингарчиликлардан сўнг сув тошқинлари ва кўчкилар юз берди. Бу ҳақда Hurriyet газетаси хабар бермоқда.

Хусусан, Синоп вилоятида кўчкилар содир бўлиши оқибатида бир нечта уй вайрон бўлди. Сув тошқинлари автомобилларни оқизиб кетган.

Ойдин вилоятида кучли ёмғирлардан сўнг кўплаб уйлар ва корхоналарга сув тошиб кирди.

Бундан ташқари, вилоятни Истанбул билан бoғлайдиган йўлнинг бир қисми чўккан. 

Кастамону вилоятида ҳам сув тошқинлари сезиларли талафот етказгани айтилмоқда.