Қўшимча функционаллар
-
Тунги кўриниш
Сурхондарёда ҳам спортчига бир гуруҳ шахслар ҳужум қилгани маълум бўлди
Интернетда видеоси тарқалаётган ҳодиса шу йил май ойида Денов туманида рўй берган. 7 киши ҳибсга олиниб, улар устидан очилган жиноят иши судга юборилиш арафасида турибди.
Сурхондарё вилояти Денов туманида бир гуруҳ шахслар совуқ қуроллар билан спортчига ҳужум қилган. Интернетда ҳодиса видеоси тарқалгач, Бош прокуратура воқеа шу йил май ойида рўй берганини маълум қилди.
Идора матбуот хизмати раҳбари Ҳаёт Шамсутдиновга кўра, ҳолат юзасидан 29 май куни Денов тумани ИИБ ТБ томонидан Жиноят кодексининг 277-моддаси (безорилик) билан жиноят иши қўзғатилиб, тергов ҳаракатлари олиб борилган.
Тергов давомида 7 нафар шахс айбланувчи тариқасида жалб қилиниб, барчасига қамоққа олиш эҳтиёт чораси қўлланган.
Қайд этилишича, тергов ҳаракатлари 23 август куни тамомланган. Ҳозирда жиноят иши судга юборилиш арафасида турибди.
Эслатиб ўтамиз, ўтган ойда Қарши туманида бир гуруҳ шахслар спорт мураббийи Элбек Раҳимовни ўлдириб кетган эди.
Мавзуга оид
18:18 / 18.12.2025
Танқиддан сўнг: тафтиш инстанцияси ажрими билан Акмал Шукуров қамоққа қайтарилди
11:22 / 26.11.2025
Тошкентда маст ҳолда безорилик қилган шахс қўлга олинди
16:31 / 19.11.2025
Президент йиғилишида икки туман ҳокими ишдан олинди
20:56 / 25.10.2025