Apple iPhone 13 тақдимотини ўтказди

Фото: Apple

Apple компанияси янги iPhone 13 смартфонининг тақдимотини ўтказди. Янги моделнинг қатор устунликлари санаб ўтилди. Хусусан, унинг аккумулятори кун давомида ишлашига имкон бериши айтилди. Шунингдек, янги iPhone'да киномотография режими мукаммалаштирилган ва видео олаётганда ранглар, ёруғлик автоматик тўғриланади.

Янги моделни мижозлар хотирасига қараб танлаши мумкин бўлади. iPhone 13 Pro моделининг 128 гб, 256 гб ва 512 гб хотирага эга турлари сотувга чиқади. Флагман моделлар учун 1 террабайт хотира бўлиши айтилди. Энг кучли 5 ядерли график процессорга эга iPhone графит, олтин, кумуш ва осмонранг тусли янги кўринишларда ҳам ишлаб чиқарилади.