Қўшимча функционаллар
-
Тунги кўриниш
Украинада дунёдаги илк TikTok факультети очилди
Киев маданият ва санъат университетининг барча талабалари учун факультетда ўқиш бепул бўлади.
Украиналик хонанда ва тиктокер Михаил Поплавский Киев маданият ва санъат университетида TikTok факультетини очди. У бу ҳақда Instagram саҳифасида хабар берди.
Ушбу факультет нафақат Украина, балки дунё бўйича ягона ҳисобланади.
Поплавскийнинг фикрича, келажак ижтимоий тармоқларга тегишли бўлади, шу боис ёшларни ижтимоий тармоқлар билан ишлашга ўргатиш лозим.
«Мақсадим — ТikТоk’ни украинлаштириш, мамлакатнинг янги тарихини яратадиган ижодкор ва истиқболли ёшларни ортимдан етаклаш. Биз нолдан бошлаймиз ва ўқишни тугатгач, дипломга эга бўласиз», — деб ёзди тиктокер.
Факультетда ўқиш университетнинг барча талабалари учун бепул бўлади.
Михаил Поплавский 1993-2015 йилларда Киев маданият ва санъат миллий университети ректори бўлган.
