Учқўрғон туманининг Мустақиллик маҳалласида яшовчи Комила Тошбоева мана 30 йилдирки мағизчилик билан шуғулланади. Икки қоп ёнғоқдан бошланган иш бугун маҳалладаги 40-50 та одамни бандлигини таъминламоқда.
Наманганнинг ўзидан, шу билан бирга республиканинг турли ҳудудларидан олиб келинган ёнғоқлар мағзини ажратиш учун аҳолига бўлиб берилади.
Тайёр мағизлар ички бозорга ҳамда Россия, Туркия, Грузия ва бошқа кўплаб мамлакатларга экспорт қилинади. Комила опа ҳозирда грузиялик ҳамкорига маҳсулот тайёрламоқда. У бу йил мағиз Россияга камроқ сотилгани, бунга сабаб Хитой томонидан кўпроқ мағиз етказиб берилаётгани эканини таъкидлайди.
Қаҳрамонимиз меҳнат ортидан кам бўлмаганини кўп бор таъкидлади. У ўзини меҳнатдан айро тасаввур қила олмайди.
