Ўқувчи "хавфли ҳудуд"га кириб қолса, унинг оиласи ёки ўқитувчисининг мобил телефонига сигнал юборилади. Шунингдек, микрочип ўзаро хабар алмашиш имкониятини беради.
Фото: maxppp.com
Хитойнинг Чжухай шаҳрида ўқувчиларнинг ҳаракатланишини кузатиш учун синов тариқасида уларнинг либосларига микрочиплар ўрнатилмоқда. Бу ҳақда France Info хабар берди.
Қайд этилишича, бу янгилик болаларни реал вақт режимида кузатиб туришга ёрдам беради.
Ўқувчи "хавфли ҳудуд"га кириб қолса, унинг оиласи ёки ўқитувчисининг мобил телефонига сигнал юборилади. Шунингдек, микрочип ўзаро хабар алмашиш имкониятини беради.
Айримлар бу янгиликни жиноятчиларни кузатишга мўлжалланган электрон билагузукларга қиёсламоқда.
Маълумотларга кўра, бутун дунёдаги кузатув камераларининг ярми Хитойга тўғри келади. Айрим камералар бевосита синф хоналарига ўрнатилган.
