Дубай шаҳзодаси Шайх Ҳамдан бин Муҳаммад Ол Мактум Ўзбекистонга келди. Бу ҳақда шаҳзода Instagram саҳифасида пост қолдирган.
Дубай амирлиги тахт вориси саҳифасида қўйган суратларидан у доимгидек Навоий шаҳридан 50 км узоқликдаги БААга қарашли тувалоқ асраш масканига ташриф буюрганини сезиш мумкин. Муҳаммад Ол Мактум ўтган йили ҳам айнан октябр ойида Навоийга келганди.
Марказ Бирлашган Араб Амирликлари вице-президенти, Дубай амири Шайх Муҳаммад бин Рашид Ол Мактум ташаббуси билан 2008 йилнинг апрел ойида ташкил этилган. Шаҳзода Ҳамдан лочинлар билан шу ҳудудда тувалоқ овлайди.
