Агар Saudi Aramco акциялари нархи ўсишда давом этса, компания капитализация бўйича Microsoft Corp. (2,13 трлн доллар) ва Apple Inc (2,3 трлн доллар) компанияларига етиб олади.
Саудия Арабистонининг Saudi Arabian Oil Co (Saudi Aramco) нефт компанияси капитализацияси 2 трлн долларга етди.
Компания акциялари нархи 37,6 риёлгача кўтарилди, бу рекорд кўрсаткичга яқин, деб ёзади MarketWatch. Сўнгра нарх 37,3 риёлга тушган.
Компаниянинг асосий қисми Саудия Арабистони ҳукуматига тегишли, Саудия фонд биржасида 2 фоиздан камроқ акциялари сотилади. Акциялар нархи нефт нархи ошиши фонида қимматлашди.
Агар Saudi Aramco акциялари нархи ўсишда давом этса, компания капитализация бўйича Microsoft Corp. (2,13 трлн доллар) ва Apple Inc (2,3 трлн доллар) компанияларига етиб олади.
Brent русумидаги нефтнинг бир баррели нархи декабр фючерси учун 81,9 долларни ташкил этмоқда, WTI русумидаги нефтнинг бир баррели эса ноябр ойи учун 78,24 долларга тенг бўлди.
