Фарғона нефтни қайта ишлаш заводи автобуси ёниб кетди

Ичида ишчилари бўлган завод автобусининг мотор ва салон қисимда ёнғин келиб чиққан. Бу ҳақда ФВБ Ахборот хизмати Kun.uzга хабар бермоқда.

Фото: ФВБ

Қайд этилишича, ҳодиса 22 октябр куни соат 23:08да Фарғона шаҳар Саноат кўчаси 240-уйда жойлашган «ФНҚИЗ» МЧЖнинг 1-кириш йўлаги яқинидаги катта йўлда заводга тегишли бўлган «Исузи» русумли давлат рақами 40 432 ОАА бўлган автобуснинг мотор ва салон қисмида ёнғин келиб чиққан.

Ёнғин-қутқарувчилар ҳодиса жойига бориб оловни ўчирган. Ҳозирда содир бўлган ёнғиннинг сабаби ва зарари аниқланмоқда. Ҳодиса оқибатида жабрланганлар ва куйганлар мавжуд эмас.

Маълум бўлишича, автобусда завод ишчилари бўлган.