Хитойда рақибнинг сув устидаги объектларини йўқ қилишга мўлжалланган сувости қуроли синовдан ўтказилди.
Фото: Jason Lee/Reuters
Daily Mail нашрининг хабар беришича, синовлар вақтида белгиланган шартли объект кучли портлаш тўлқини ёрдамида йўқ қилинган.
Таъкидланишича, ушбу технология қуролли ихтилоф вақтида душман кучларини таъминотдан узиш учун мўлжалланган. Хитойдаги манбалар сувости зарядлари ёрдамида яширинча ҳужум амалга ошириш имкони йирик кемалар, жумладан АҚШ авиаташувчи кемаларини заифлаштиришини айтишган.
“Портлар вайрон бўлганда, рақибнинг моддий-техника таъминоти издан чиқади. Унинг ҳарбий кучлари тарқоқлашади ва натижада тўқнашув вақтида ҳеч қандай имкони қолмайди”, деб таъкидлаб ўтган Хитой ҳарбий раҳбариятидаги манба.
