Ўзбекистон президентининг Россияга ташрифи доирасида учта форум ўтказилади

Учрашувда ҳамкорлик кун тартиби, инвестициявий, савдо-иқтисодий, молиявий, техник, маданий-гуманитар соҳаларда мавжуд битимларни рўёбга чиқариш масалалари муҳокама қилинди.

Шунингдек, Ўзбекистон президентининг Россияга бўлажак ташрифига тайёргарлик кўриш масаласи кўриб чиқилди. Ташриф доирасида режалаштирилган тадбирларни, хусусан, Ҳудудлараро форум, Медиа–форум ҳамда Таълим форумини ташкил этиш хусусида сўз юритилди.

Мулоқот чоғида икки мамлакатнинг тегишли вазирлик ва идоралари ўртасида ҳамкорликни йўлга қўйиш учун янги йўналишларни қамраб олиш ва муносабатларни кенгайтириш истиқболлари ҳам муҳокама қилинди.

Қўшма лойиҳалар портфелининг соҳавий диверсификациясини кенгайтириш ҳамда инвестициявий ташаббусларни ҳаётга татбиқ этишга икки мамлакат хусусий компанияларини жалб этишни рағбатлантириш юзасидан қўшма тадбирлар режалаштирилди.

Учрашув якунида ўзаро муносабатларнинг кўриб чиқилган йўналишлари доирасида мувофиқлаштирилган ҳамкорликни давом эттиришга келишилди.