Нигер ғарбида террорчи гуруҳ жангарилари 60га яқин одамни ўлдирди. Бу ҳақда ҳужум содир этилган Тиллабери округи депутатига таяниб France-Presse ахборот агентлиги хабар берди.
Фото: nationworldnew
“Ҳужум вақтида 60га яқин одам ўлдирилган, улар орасида Банибангу коммунаси мэри ҳам бор. Яна 9 киши бедарак йўқолган”, деб маълум қилган депутат. Таъкидланишича, ҳужум 2 ноябрда содир этилган.
Тиллабери округи Нигер, Мали ва Буркина-Фасо давлатлари чегаралари туташган стратегик ҳудудда жойлашган. Африканинг бу қисмида “Ғарбий Африкада Ислом давлати” террорчи гуруҳи отрядлари ҳаракат қилади. 2017 йилдан бери Тиллаберида фавқулодда ҳолат режими амал қилади.
