Дарахтга урилган "Ласетти" ҳайдовчиси билан бирга ёниб кетган

Уйчида туман маркази томонга ҳаракатланган "Ласетти" машинаси ҳаракат хавфсизлигини таъминлай олмай дарахтга урилиши оқибатида ёниб кетган. Бу ҳақда Наманган ИИБ матбуот хизмати хабар берди.

Фото: ИИБ ахборот хизмати

4 ноябрь куни тунги соат 23:30 ларда Уйчи туманида яшовчи 1992 йилда туғилган фуқаро "Ласетти" машинасини Жийдакапа-Уйчи-Чортоқ автомобиль йўлининг 4 км.да Уйчи йўналиши бўйлаб бошқариб кетаётиб, ҳаракат хавфсизлигини таъминлай олмай, бошқарувни йўқотиб, йўлни чап томонга чиқиб кетган ва дарахтга урилган. Оқибатда автомашина ёниб кетган ва ҳайдовчи воқеа жойида вафот этган.

Мазкур ҳолат юзасидан Жиноят кодексининг 266-моддаси 2-қисми билан жиноят иши қўзғатилган.
Ҳозирда тергов ҳаракатлари олиб борилмоқда.

#ЙТҲ