Ўзбекистонга 9 ойда қанча гўшт олиб келингани маълум бўлди

Қўмита хабарига кўра, 2021 йилнинг январь-сентябрь ойларида Ўзбекистон хориждан 21 109 тонна гўшт импорт қилган. Гўшт импорти ўтган йилнинг мос даври билан солиштирилганда 6 865 тоннага ошган.

2021 йилнинг январь-сентябрь ойларида Ўзбекистон энг кўп гўшт импорт қилган давлатлар қуйидагича: 

• Беларус – 14 403 тонна;
• Қозоғистон – 3 220 тонна;
• Украина – 2 018 тонна;
• Россия – 559 тонна;
• Молдова – 540 тонна.

Маълумот учун, Ўзбекистонда 2021 йилнинг 9 ойида 1,9 млн. тонна гўшт етиштирилган.

Аввалроқ, "Солиқ кодексига аҳолини асосий турдаги озиқ-овқат маҳсулотлари билан кафолатли таъминлашга қаратилган қўшимча киритиш тўғрисида"ги қонун президент томонидан имзоланганди.

Қўшимчага кўра, 2021 йил 10 октябрдан 31 декабргача бўлган даврда гўшт (мол, қўй, товуқ), тирик ҳайвонлар (қорамол ва парранда) ва уларни сўйишдан олинадиган маҳсулотларни, картошкани ҳамда музлатилган балиқни реализация қилиш бўйича айланма, шунингдек уларни Ўзбекистонга олиб кириш қўшилган қиймат солиғидан озод қилинди.