Самарқандда хотини ва қайнонасини ўлдирган шахсга суд ҳукми ўқилди

Самарқанд вилоятида турмуш ўртоғи ва қайнонасини ўлдирган шахс узоқ муддатга қамалди. Бу ҳақда Kun.uz’га вилоят суди матбуот котиби хабар берди.

Фото: KUN.UZ

Маълум бўлишича, жорий йил 18 июл куни соат 23:00ларда Паст Дарғом тумани Чандир қишлоғида яшовчи О. спиртли ичимликлар ва гиёҳванд моддалар таъсирида ота уйига аразлаб кетган хотинини қайтариб олиб келиш учун унинг олдига борган.

У ерда қайнонаси ва хотини билан яна жанжаллашиб қолган ва уларни шавқатсизларча дўппослаган. Ҳолатга гувоҳ бўлган қайин укасини ҳам урган. Оқибатда хотини ва қайнонаси оғир тан жароҳати олиб вафот этган.

Жиноят ишлари бўйича Самарқанд вилоят судида айбдорга ҳукм ўқилган. Суд ҳукмига кўра О. Жиноят кодексининг тегишли моддалари билан айбдор деб топилиб, унга 24 йил 6 ой озодликдан маҳрум этиш жазоси белгиланган.

Самарқандда бир эркакни ўлдириб, жасадни каналга оқизиб юборган шахсларга ҳукм ўқилди

Спиртли ичимлик таъсири остида хотинини ўлдирган ургутлик эркакка суд ҳукми ўқилди

Муаллиф: Ғайрат Йўлдошев

#Самарқанд #суд ҳукми