«Барселона» собиқ ҳимоячиси Дани Алвес билан шартнома имзолаганини эълон қилди.
Фото: FC Barcelona
38 ёшли бразилиялик билан тузилган келишув мавсум сўнгигача мўлжалланган. У машғулотларга келаси ҳафтадан қўшилади, аммо январгача ўйнай олмайди.
Ҳимоячининг сўнгги клуби «Сан Паулу» эди. У клубнинг қарздорлиги туфайли сентябрь ойида жамоани тарк этган ва эркин агентга айланганди.
Эслатиб ўтамиз, Алвес 2008 йилдан 2016 йилгача «Барса»да ўйнаган ва жамоа билан 23та совринни қўлга киритган.
