Қўшимча функционаллар
-
Тунги кўриниш
Ўзбекистонда сунъий интеллект соҳасида махсус режим ташкил этилмоқда
Ҳукумат қарори билан сунъий интеллект технологияларини қўллаб-қувватлаш учун махсус режим ташкил этиш ва унинг фаолиятини йўлга қўйиш тартиби тўғрисидаги низом тасдиқланди.
Фото: Shutterstock
Махсус режим IT-паркнинг алоҳида бўғини бўлиб, у ерда алоҳида ҳуқуқий енгилликлар яратилади ва юридик шахслар ва илмий ташкилотлар томонидан дастурий маҳсулотлар тажрибадан ўтказилади ва амалиётга жорий қилинади.
Махсус режим иштирокчиси бўлиш учун талабгорлар IT-паркнинг махсус веб-платформаси орқали ариза топширади. Аризалар Ахборот технологиялари ва коммуникацияларини ривожлантириш вазирлиги томонидан 5 иш кунида дастлабки техник экспертизадан ўтказилади.
Эксперт кенгаши ва Мувофиқлаштириш комиссияси хулосалари асосида вазирлик талабгорларни иштирокчи сифатида рўйхатга олиш ёки рўйхатга олишни рад этиш тўғрисида қарор қабул қилади.
Махсус режим иштирокчилари ўз ходимлари малакасини ошириш ва қайта тайёрлашга сарфланган харажатлари давлат томонидан компенсация қилинади.
Иштирокчиларга тажриба-синов лойиҳаларини амалга ошириш учун зарур бўлган маълумот ҳамда ҳужжатларни, шахсга доир эгасизлантирилган маълумотларни вазирлик, идора ва ташкилотлардан олиш ҳуқуқи берилади.
Мавзуга оид
18:04 / 23.11.2024
Apple Siri овозли ёрдамчисини ChatGPTнинг рақобатчисига айлантирмоқчи
01:05 / 14.11.2024
Олий математика сунъий интеллектнинг заиф томони бўлиб қолмоқда — тадқиқот
23:56 / 04.11.2024
Полшада радиостанция журналистларни ишдан бўшатиб, сунъий интеллектдан фойдаланишга ўтди. Бу жамоатчилик эътирозига сабаб бўлди
15:23 / 30.10.2024