Бурундидаги турмада юз берган ёнғинда 38 киши ҳалок бўлди

Бурунди пойтахти Гитегедаги турмада юз берган ёнғинда камида 38 киши ҳалок бўлди. Яна 69 киши жиддий жароҳат олган. Бу ҳақда мамлакат вице-президенти Проспер Базомбанзага таяниб AFP ахборот агентлиги хабар берди.

Ёнғин тахминан соат 4 лар атрофида юз берган. Гувоҳларнинг айтишича, ёнғин турманинг деярли барча биноларини қамраб олган. У фақатгина аёл маҳбуслар сақланган биногача етиб бормаган. Уни ўчиришда 7 та ўт ўчириш машинаси иштирок этган.

Турмага олиб борувчи йўллар полиция ва ҳарбийлар томонидан тўсиб қўйилган.

Маълумотларга кўра, ноябр охирида ушбу турмада 1539 маҳбус сақланган ва у меъёридан тўлиб-тошган бўлган.