Байден Украинани Россиядан ҳимоялашда АҚШ армияси қўлланмаслигини айтди

“Бундай имконият кўриб чиқилмаяпти”, деб айтган журналистлар билан учрашувда Байден.

АҚШ президенти “Америкалик ҳарбийлар Украинани Россиядан ҳимоя қилиш учун у ерга юбориладими?” деган саволга воқеаларнинг бундай ривожи истисно этилишини айтган. Bloomberg ахборот агентлигининг хабар беришича, Байден бундай тажовуз ҳолатида бир томонлама тартибда Россияга қарши куч қўлламаслигини таъкидлаб ўтган.

Шу билан бирга, Оқ уй раҳбари АҚШ НАТОга аъзо давлатларда ўз ҳарбий имкониятларини кучайтиришини тасдиқлаган. Аввалроқ Вашингтонда Россия ва Украина ўртасида ихтилоф юз берса, ҳарбий имкониятлар кучайтирилиши мумкинлиги айтилган.

Байден Россия президенти Владимир Путин билан видеоанжуман вақтида Россия Украинага ҳужум қилгудек бўлса, Россияга қарши “аввал ҳеч қачон қўлланмаган” санкциялар киритилишидан огоҳлантиргани, бу ҳолда Россияни жиддий оқибатлар кутаётганини айтганини таъкидлаб ўтган.

Аввалроқ Путиндан “Россия Украинага ҳужум қилмоқчими?” деб сўралганда, у саволнинг ўзи “провокацион” эканини, Россия тинчликсевар ташқи сиёсат юргазишини, бироқ у ўз хавфсизлигини таъминлашга ҳақли эканини айтган.