Қўшимча функционаллар
-
Тунги кўриниш
11 ойда 112 нафар мутасаддига маъмурий чора кўрилди
Навоий вилоятида 2021 йилнинг 1 декабрь ҳолатига давлат хизмати кўрсатишда ташкилот ва идоралар томонидан 4 027 та қоидабузарлик содир қилинган. Бу ҳақда Kun.uz'га ДХА вилоят бошқармаси матбуот хизмати хабар берди.
Таъкидланишича, мазкур қоидабузарликлар таҳлил қилинганда 3 252 ҳолатда белгиланган муддат бузилгани, 626 ҳолатда тўғридан тўғри хизмат кўрсатилгани, 72 тасига асоссиз рад жавоби берилгани, 7 ҳолатда эса ортиқча ҳужжат талаб қилингани аниқланган. Шунингдек, 11 ой давомида вилоят бўйича 112 нафар мутасаддига маъмурий чоралар кўрилиб, жарималар ундирилган.
Маълумот учун, 1 декабрь ҳолатига вилоятнинг 11 туман ва шаҳар давлат хизматлари марказлари орқали фуқароларга 272 233 та давлат хизмати кўрсатилган. Энг кўп хизмат Навоий шаҳрида амалга оширилган – 69 325 та. Бу рақам Қизилтепа туманида 41 786 тани, Кармана туманида 35 035 тани, Зарафшон шаҳрида эса 32 мингдан ортиқни ташкил қилади.
