Қорақалпоғистонда қайси соҳада коррупция кўпроқ учраши маълум бўлди

Қорақалпоғистон Республикаси Жўқарғи Кенгесида Коррупцияга қарши курашиш ҳудудий кенгашининг йиғилиши ўтказилди. Унда кенгашнинг 2021 йилнинг октябр-декабр ойларидаги фаолияти кўриб чиқилган.

Коррупцияга қарши курашиш ҳудудий кенгаши котибаси Зуҳра Реймова ўтган давр мобайнида аҳоли ўртасида сўровнома ўтказган.

Ижтимоий тармоқлар орқали фуқаролардан «Қорақалпоғистонда қайси соҳаларнинг бирида коррупция кўпроқ кузатилади деб ўйлайсиз?» – деган мавзуда сўровнома ўтказилган.

Сўровнома якунларига кўра, 52 фоиз – Соғлиқни сақлаш тизимида, 34 фоиз – Олий ўқув юртларида, 24 фоиз – Халқ таълими соҳасида, 23 фоиз – Ҳуқуқни муҳофаза қилиш органларида, 22 фоиз – Банк, молия соҳасида, 18 фоиз фуқаролар эса – Мактабгача таълим тизимида деган жавобни беришган.

Бундан олдин Kun.uz мухбири нукусликларга «Энг кўп коррупция қайси соҳада?» деган савол билан мурожаат қилганди.