Суратларда зонд ва Марснинг умумий тасвири, «Тянвэн-1» қурилмаси, сайёранинг шимолий қутб қалпоғи ва Марс юзасини суратга олаётган «Чжуронг» марсоходи акс этган.
Фото: CNSA
Хитой «Тянвэн-1» зонди Марсда олган янги фотосуратларни эълон қилди.
Суратларда зонд ва Марснинг умумий тасвири, «Тянвэн-1» қурилмаси, сайёранинг шимолий қутб қалпоғи ва Марс юзасини суратга олаётган «Чжуронг» марсоходи акс этган.
Қайд этилишича, зонд ва марсоход меъёрдагидек фаолият олиб бормоқда.
«Тянвэн-1» зонди 527 кундан бери ишламоқда, у Ердан 350 млн км масофада жойлашган.
Марсоход ўтган вақт давомида 1400 метр масофани босиб ўтди. Икки қурилма Марсга оид жами 560 Гб маълумот тўплади.
«Тянвэн-1» 2020 йил 23 июлда Марсга жўнатилганди. Зонд етти ойдан сўнг — 2021 йил 10 февралда сайёрага етиб борган.
