Илон Маскнинг бойлиги бир кунда 32,6 млрд долларга кўпайди

Дунёнинг энг бадавлат одами Илон Маскнинг бойлиги душанба куни 11,98 фоизга ёки 32,6 млрд долларга кўпайди.

Унинг бойлиги яна 300 млрд долларлик кўрсаткичдан ўтди ва 304,2 млрд долларга етди, деб ёзади Forbes.

Tesla компанияси акциялари қиймати 13,5 фоизга ўсди ва бир дона акция нархи 1199,78 долларни ташкил этди, деб ёзади Bloomberg.  

Компаниянинг бозор қиймати яна 1 трлн доллардан ошди.

Ўтган йили Маскнинг бойлиги илк марта 250 млрд доллардан ошган ва замонавий тарихдаги энг бадавлат инсонга айланганди.