2022 йил 2 январь куни ижтимоий тармоқларда «Mercedes Benz E 200» русумли автомобиль ҳайдовчиси йўлнинг қатнов қисмида хавфли ҳолатни юзага келтирган ҳолда дрифт қилаётгани акс этган видео тарқалди.
Тошкент шаҳар ИИББ хабарига кўра, ушбу ҳолат 2022 йил 1 январь куни тахминан соат 02:10 ларда Чилонзор туманида 35 ёшли Б.Л. томонидан, «Mercedes Benz E 200» русумли автомобилда содир этилган.
Маълум қилинишича, ушбу ҳолат юзасидан Б.Л.га нисбатан Ўзбекистон Республикаси Маъмурий жавобгарлик тўғрисидаги кодексининг 128-моддасига мувофиқ баённома расмийлаштирилди.
«Ҳурматли ҳайдовчилар! Йўл ҳаракати қоидаларига риоя қилинг. Ўзингиз ва ўзгалар ҳаётини хавф остига қўйманг», дейилади маълумотда.