Энг кўп жиноятлар фирибгарлик, ўғрилик ва транспорт воситалари ҳаракати ёки улардан фойдаланиш хавфсизлиги қоидаларини бузиш билан боғлиқ.
2021 йилда Хоразм вилоятида 2929 та жиноят қайд этилди, деб хабар берди Хоразм вилояти ИИБ.
Жиноятлар тури бўйича қуйидагича тақсимланган:
- 523 та фирибгарлик;
- 425 та ўғрилик;
- 342 та транспорт воситалари ҳаракати ёки улардан фойдаланиш хавфсизлиги қоидаларини бузиш (уларнинг 79 таси ўлим билан якунланган);
- 228 та тан жароҳати етказиш билан боғлиқ жиноятлар (шундан 44 таси қасддан баданга оғир, 63 таси ўртача оғир, 121 таси енгил шикаст етказиш);
- 173 та гиёҳвандлик;
- 167 та ўзлаштириш ёки растрата йўли билан талон-торож қилиш;
- 98 та пора олиш ва бериш;
- 91 та безорилик;
- 20 та фоҳишахона ташкил қилиш ёки қўшмачилик билан шуғулланиш;
- 17 та одам савдоси;
- 17 та товламачилик;
- 11 та қотиллик;
- 11 та номусга тегиш;
- 8 та талончилик;
- 6 та транспорт воситасини олиб қочиш;
- 2 та босқинчилик;
- 790 та бошқа турдаги жиноятлар.
Жиноятларнинг 256 таси аёллар, 41 таси вояга етмаган шахслар томонидан содир этилган.
Шаҳар ва туманлар кесимида қайд этилган жиноятлар миқдори:
821 – Урганч шаҳри;
382 – Урганч тумани;
315 – Ҳазорасп тумани;
175 – Шовот тумани;
167 – Хонқа тумани;
155 – Хива шаҳри;
152 – Хива тумани;
147 – Қўшкўпир тумани;
137 – Боғот тумани;
129 – Гурлан тумани;
124 – Янгибозор ва Тупроққалъа туманлари;
101 – Янгиариқ тумани;
2021-йил давомида турли жиноятлар содир қилиб, тергов ва суд органларидан яшириниб юриб, қидирувда бўлган 126 шахс ушланган.
