Жиззахда Niva’нинг тиркамаси чиқиб кетиб Tico билан тўқнашди

Видеодан кадр

Жиззах вилояти Мирзачўл туманида машинанинг тиркамаси чиқиб кетиб Tico билан тўқнашган. Бу ҳақда вилоят ИИБ ахборот хизмати хабар бермоқда.

Маълум қилинишича, Мирзачўл тумани ҳудудида содир бўлган йўл-транспорт ҳодисасида Tico машинаси ағдарилиб кетган.

Жиззах-Гагарин автомобил йўлининг 72-километрида ҳаракатланиб кетаётган Niva машинасининг юк ортилган тиркамаси чиқиб кетган ва қарама-қарши йўналишда ҳаракатланиб келаётган Tico машинаси билан тўқнашган.

Оқибатда, Tico машинаси ағдарилиб кетган ва унинг ҳайдовчиси ҳамда йўловчиси тан жароҳатлари олиб шифохонага ётқизилган.

Қайд этилишича, ҳозирда ҳолат юзасидан суриштирув олиб борилмоқда.