Ўзбекистондан Қозоғистонга барча парвозлар тикланди

Ўзбекистондан Қозоғистонга барча авиақатновлар тикланди. Бу ҳақда Uzbekistan Airways хабар бермоқда.

Фото: Kun.uz

Қайд этилишича, жорий йилнинг 19 январидан бошлаб Тошкент-Олмаота-Тошкент, Самарқанд-Олмаота-Самарқанд, Нукус-Актўбе-Нукус, Урганч-Ақтау-Урганч, Нукус-Ақтау-Нукус, Тошкент-Нур-Султон-Тошкент йўналишлари бўйича мунтазам авиақатновлар жадвалга мувофиқ амалга оширилади.

Маълумот учун, Олмаота ва Ақтўбе, Ақтау шаҳарларида бекор қилинган (2022 йил 7-13 январ кунлари) қатновлар йўловчилари авиачиптанинг тўлиқ қийматини харид қилинган жойда қайтариб олиш ёки исталган бошқа бўш санага бепул қайта брон қилиш ҳуқуқига эга.

Эслатиб ўтамиз, Қозоғистондаги намойишлар туфайли дастлаб 5 январь кунидан Ақтауга мунтазам парвозлар бекор қилинди. Кейинроқ Олмаота ва Ақтўбега режалаштирилган парвозлар ҳам амалга оширилмади.

Тайёрлаган: Отабек Матназаров

#Қозоғистон #авиақатнов