Францияда дунёдаги энг улкан йўловчи самолёти меҳмонхонага айлантирилади

Фото: AP

Францияда утилизацияга жўнатилиши лозим бўлган Airbus A380 самолёти меҳмонхонага айлантирилади, деб хабар берди Aerotime Hub.

Хабарда айтилишича, бу иш билан Airbus собиқ муҳандиси Фредерик Делюз шуғулланади. Меҳмонхона Тулуза аэропорти яқинида жойлаштирилади.

Ҳаво кемаси 31та - стандарт икки ўринли, уч ёки тўрт кишилик ярим люкс ва иккита люкс номердан иборат бўлади.

Меҳмонхона мажмуаси таркибига шунингдек, 60 ўринли ресторан ҳам киради.

Airbus A380 —Airbus S.A.S компанияси томонидан ишлаб чиқарилган дунёдаги энг улкан авиалайнер ҳисобланади. Унинг баландлиги 24, узунлиги 73 метр. Самолётнинг учта классдаги моделига 525 нафар, бир классдаги моделига 853 нафар йўловчи сиғади.