Ўқитувчиларнинг обрўсини кўтаришга қаратилган қонун нега кечикаётгани маълум бўлди
“Педагог ходимнинг мақоми тўғрисида”ги қонун лойиҳаси 2020 йил кузида муҳокамага қўйилган эди. Адлия вазири Русланбек Давлетовнинг айтишича, қонун ҳукуматга киритилган, лекин парламентгача ҳали етиб бормаганига сабаб – масаланинг пул билан боғлиқлиги.
Ўзбекистон Адлия вазирлиги 2020 йил ноябр ойида “Педагог ходимнинг мақоми тўғрисида”ги қонун лойиҳасини ишлаб чиқиб, жамоатчилик муҳокамасига қўйган эди. Лойиҳада ўқитувчиларга қатор енгилликлар бериш, хусусан уларга 5 йил эртароқ пенсияга чиқиш ҳуқуқини бериш кўзда тутилганди.
7 феврал куни адлия вазири Русланбек Давлетовнинг йиллик ҳисобот тарзидаги матбуот анжуманида Kun.uz мухбири мазкур қонун лойиҳасининг келгуси тақдири билан қизиқди. Вазирнинг айтишича, лойиҳа Вазирлар Маҳкамасида турибди.
“2020 йилда “Педагог ходимларнинг мақоми” тўғрисидаги қонун лойиҳасини ишлаб чиқдик, Вазирлар Маҳкамасида турибди. Бу ерда қўшимча кафолатлар масаласида яна муаммо бўляпти, пул билан боғлиқ.
Биласизлар, [педагогларнинг] ойлигини оширишга жуда катта эътибор бўляпти. Шунинг учун бу соҳага ҳар битта қўшимча эътибор маблағни тақозо қилади. 500 мингта ўқитувчи ишлайди, у масала пул билан боғлиқ бўлгани учун ҳозир Вазирлар Маҳкамасида кўриб чиқиляпти”, – деди адлия раҳбари.
Маълумот учун, “Педагог ходимнинг мақоми тўғрисида” қонун қабул қилиш 2022 йилги давлат дастурига киритилмаган.
Эслатиб ўтамиз, аввалроқ Kun.uz Андижон вилоятининг Марҳамат туманида ўқитувчилар ота-оналар қаршисида узр сўрашга мажбурлангани ҳақида хабар берганди.
Мавзуга оид
![](https://storage.kun.uz/source/thumbnails/_medium/9/r4CvjuhM7JxuoDbmV0MqVGTKm7Mz-s-x_medium.jpg)
12:16 / 07.08.2023
Биринчи ярим йилликдаги давлат бюджети дефицити 29 трлн сўмдан ошиб кетган
![](https://storage.kun.uz/source/thumbnails/_medium/9/mkJHdKPxlEyD7WHsSk7LLDlo9sfrCxge_medium.jpg)
16:40 / 05.08.2023
Қийналаётган бюджет, ғалати хусусийлаштириш ва ИМВда рокировка — иқтисодий таймлайн
![](https://storage.kun.uz/source/thumbnails/_medium/9/uJUgNgeA5Y-iVfW1x-_CsC7cFlZZL0vr_medium.jpeg)
15:20 / 31.07.2023
Бюджет тақчиллигининг чекланган миқдори кескин оширилиши мумкин
![](https://storage.kun.uz/source/thumbnails/_medium/9/4K-Fh43iwGIhV1wsozI1BvSCb3NiDDdU_medium.jpg)
15:21 / 24.07.2023