Аввалроқ Абдул Ҳамид ал-Дабайба парламентнинг янги бош вазир тайинлаш тўғрисидаги қарорини рад этганди.
Ливия пойтахти Триполи шаҳрида мамлакат бош вазири Абдул Ҳамид ал-Дабайба ўтирган автомобил номаълум шахслар томонидан ўққа тутилди. Бу ҳақда Al-Arabiya хабар берди.
Хабарда айтилишича, автомобилга бир нечта ўқ теккан.
Ҳужум уюштирганлар ҳозирча қўлга олинмаган.
Аввалроқ Абдул Ҳамид ал-Дабайба парламентнинг янги бош вазир тайинлаш тўғрисидаги қарорини рад этганди.
Ал-Дабайба сайловлар ўтказишни хоҳлаётганини, аммо аввал парламент олий давлат кенгаши билан келишиши кераклигини айтган. У "ҳақиқий сайловлар" ўтказилмагунича лавозимини тарк этмаслигини билдирган.