Тошкентда 3та автомобил иштирокида ЙТҲ содир бўлди

Йўл-транспорт ҳодисаси оқибатида икки нафар йўловчи тан жароҳати билан шифохонага олиб кетилган.

Фото: ИИБ ЙҲХБ ахборот хизмати

19 февраль куни соат 22:40ларда, Тошкент шаҳар, Шайхонтоҳур тумани, Себзор кўчасида, кўприк устида учта автомобил иштирокида ЙТҲ содир бўлди.

ЙҲХХнинг хабар беришича:

1) 1998 йилда туғилган С.Ж. бошқарувидаги Matiz русумли;

2) 2001 йилда туғилган К.Қ. бошқарувидаги Spark русумли;

3) 2001 йилда туғилган Д.А. бошқарувидаги Lada Vesta русумли транспорт воситалари иштирокида тўқнашув содир бўлган ва зарб оқибатида Matiz ва Spark русумли автомобиллар ағдарилган.

ЙТҲ натижасида Spark русумли автомобилнинг икки нафар йўловчиси тан жароҳати билан шифохонага олиб кетилган.

Айни вақтларда ЙПХ ходимлари томонидан ҳодиса жойида ҳайдовчилар иштирокида тегишли ҳужжатлар расмийлаштирилиб, суриштирув ҳаракатлари олиб борилмоқда.