«Ўзгидромет» ҳафталик об-ҳаво тўғрисида маълумот берди

Бугун Ўзбекистон ҳудуди бўйича баҳорий илиқ, ёғингарчиликсиз об-ҳаво кутилмоқда. Кундуз куни ҳарорат 18-21 даража иссиққача кўтарилади, бу кун меъёридан 7-9 даражага юқоридир.

Фото: Kun.uz

“Ўзгидромет” хабарига кўра, эртадан иш ҳафтасининг охиригача Кавказдан булутли массивлар кириб келиши кутилмоқда, бунда республиканинг айрим жойларида вақти-вақти билан ёмғир ёғади, тоғларда ёмғир қорга айланиши мумкин.

Ҳаво ҳарорати кечалари асосан 4-9 даража илиқ, кундуз кунлари 13-18 даража илиқ бўлиши кутилмоқда, бу иқлимий меъёрдан юқоридир.

Пойтахтда ҳафта давомида қуруқ ва илиқ об-ҳаво кутилмоқда, фақат 25 февраль, жума куни бироз ёмғир ёғиш эҳтимоли бор.

Ҳафта давомида республиканинг тоғли ҳудудларида қор кўчиши хавфи бор.

#об-ҳаво #Ўзгидромет