Украина газ экспорт қилишни тўхтатди

Чеклов мамлакат энергетика вазирлигининг 3 март кунги буйруғига асосан киритилди.

Фото: Reuters

Украина мамлакат ҳудудидан табиий газ экспорт қилишни вақтинча тўхтатди.

"Украина энергетика вазирлиги бозор иштирокчиларига мамлакатимиз ҳудудидан табиий газ экспорт қилишни тақиқлади. Бу Украина ерости газ омборларида сақланаётган газга ҳам тааллуқли", - дейилади "Укртрансгаз" АЖ хабарида.

Чеклов мамлакат энергетика вазирлигининг 3 март кунги буйруғига асосан киритилди.

Бундан ташқари, "Укртрансгаз" компания сайтида ерости газ омборлари фаолияти тўғрисидаги тезкор маълумотларни чоп этишни ҳам тўхтатди.