“Аттракционсиз, экобоғ бўлади” — Абдулла Қодирий боғида реконструкция бошланмоқда

{Yii::t(}

Ўтказиб юбориш 6s

Ўтказиб юбориш

“Olmazor Business City” директори Умид Умаровнинг сўзларига кўра, боғда янги дарахтлар ва гуллар экилиб, ландшафт дизайн яратилади. Пиёдалар ва велосипед йўлаклари ҳамда суғориш тизими янгиланади. Болалар майдонлари қурилиб, ўриндиқлар ва чиқинди қутилари ўрнатилади.

“Туризмни ривожлантириш учун боғ ҳудудида мавжуд бинолар анъанавий-миллий дизайнда реконструкция қилинади. Ундан ташқари, кичик-кичик киосклар бўлади, бу орқали кичик бизнес (сервис) йўлга қўйилади.

Карусел ва шовқин-сурон аттракционлар бўлмайди. Бу ер экобоғ бўлади. Панжаралар олиб ташланади”, – деди Умид Умаров.

Дирекция раҳбарининг сўзларига кўра, боғда 1584та дарахт мавжуд. Улар тўлиқ инвентаризациядан ўтказилган. 5 март куни юзга яқин дарахт экилди, бу ишлар таъмирлаш вақтида ҳам давом эттирилади.

“Ҳозирги кунда боғ “Olmazor Business City” дирекцияси балансида турибди. Бундан кейин ҳам дирекция балансида бўлади. Ушбу дирекция мана шу боғга масъул.

Битта йирик ва учта кичик фаввораларнинг ҳаммаси реконструкция қилинади. Ариқ ҳам таъмирланиб, бу ариқдан йилига 365 кун сув оқиб туради.

Смета ҳужжатлари якунига етмоқда. Реконструкция учун шаҳар ҳокимлиги ва дирекция ҳисобидан 30 млрд сўм атрофида маблағ ажратилади”, – деди дирекция раҳбари.

Эслатиб ўтамиз, аввалроқ Kun.uz мазкур боғда 64та дарахт ноқонуний кўчириб ўтказилгани ҳақида хабар берган эди.