Western Union Россия ва Беларусдаги фаолиятини тўхтатди

Western Union компанияси Россия ва Беларусдаги фаолиятини тўхтатишга қарор қилди.

Фото: Reuters

«Биз ички ва ташқи омилларни, шунингдек, ҳамкасбларимиз, шерикларимиз ва мижозларимиз учун оқибатларни диққат билан ўрганиб чиқдик. Россиянинг Украинага ҳужуми фожиали оқибатлари давом этиши фонида Россия ва Беларусдаги операцияларимизни тўхтатишга қарор қилдик»,— дея компания баёнотидан иқтибос келтирган Business Wire.

Western Union низо дипломатик ва тинч йўл билан ҳал қилинишига умид билдирган.

Аввалроқ MasterCard ва Visa Россиядаги фаолиятини тўхтатганини маълум қилганди.